L'ADRIA Brightening perfecting серумот во својата лесна текстура на серумска емулзија ја открива тајната на блескава кожа со изедначен тен без темни дамки.
Базиран на моќниот осветлувачки комплекс ADRILIGHT™ со екстракт од цветот на приморскиот жиљ од песочните брегови на Јадранското Море, серумот помага да се осветлат и ублажат хиперпигментациските дамки, да се изедначи тенот и да ѝ се врати на кожата нејзиниот природен сјај.
Таа тајна на делување лежи во нежната, но моќна билка со импресивни бели цветови – приморскиот жиљ. Таа расте на песочните плажи на Јадран и цвета само ноќе во летните месеци, ослободувајќи опоен мирис. Истражувањата докажуваат дека екстрактот од овие прекрасни цветови клинички го намалува појавувањето на пигментни дамки, дејствувајќи на почетокот и крајот од каскадата на сигнализација за синтеза на меланинот, кој е одговорен за темната боја на кожата.
Хиперпигментациите се предизвик кој бара сериозен пристап за брзо и ефикасно делување. Затоа, екстрактот од приморскиот жилj е надополнет со комплекс на високо ефикасни состојки кои синергистички дејствуваат за намалување на хиперпигментациите. Заедно, тие го создаваат заштитениот комплекс ADRILIGHT™. Овој напреден комплекс е дизајниран да делува на повеќе контролни точки во процесот на создавање на меланинот во кожата: пред синтезата на меланин (превенција), за време на синтезата, и по синтезата, како и на преносот на меланинот. Важен дел од активноста на комплексот е антиоксидативното дејство, превенција на акни, како и лесно забрзување на обновата на мртвите клетки, за побрзо изедначување на тенот и избледување на постоечките дамки.
Поточно, состојките на ADRILIGHT™ комплексот се:
• Екстракт од цветот на приморски жилj – инхибитор на синтезата и ослободувањето на меланин (инхибиција на про-опио меланокортин (POMC) и супстанција P);
• Екстракт од плодот на силкавица (силимарин), уште една иконична медитеранска билка, антиоксиданс кој ја инхибира експресијата на тирозиназа, важен ензим во синтезата на меланинот;
• Ундесиленоифенилаланин – дериват на аминокиселина кој делува на почетокот на сигнализацијата за создавање на меланин, инхибирајќи го алфа-MSH;
• 4% ниацинамид – инхибитор на трансферот на меланосоми, дејствува како индиректен антиоксиданс, смирува акни и спречува пост-воспалителни хиперпигментации (PIH);
• 4-бутилрезорцинол – моќен инхибитор на активноста на тирозиназа;
• Дипептид со лесно ексфолирачко дејство помага да се отстрани мртвиот слој на кожата, забрзувајќи го дејството на другите осветлувачки состојки и спречувајќи затворање на порите и појава на акни кои можат да предизвикаат дамки на кожата.
Поради својата лесна текстура на серумска емулзија, L'ADRIA Brightening perfecting серумот може да се користи за сите типови кожа, а особено е погоден за зрела кожа со пигментни дамки предизвикани од фотостареење, како и за млада кожа склона кон дамки по акни кои бавно бледнеат (PIH).
