11/07/2024
Дали чувствувате сувост на лицето? Дали забележувате ронлив или чешање на кожата? Понекогаш дури и пецка, а кожата ви изгледа безживотно и сива? Во зимските денови, сувите типови на кожа може дополнително да дехидрираат. Иако на сувата кожа веќе природно и недостига себум, не е поштедена ниту од губење на влажноста, а во тој случај време е итно да се врати кожната бариера со малку дополнителна соодветна нега. Подолу нудиме корисни совети.
НЕГА НА СУВА КОЖА ВО ЗИМА
- НАМАЛЕТЕ ГО ВРЕМЕТО ШТО ГО ПОМИНЕТЕ НА ТУШИРАЊЕ
Особено за време на постудените денови, тешко е да се одолее на долг и топол туш, но тоа навистина не и одговара на вашата кожа. Во текот на зимата потребно е да се скрати времето на туширање и да се користи млака или постудена вода, бидејќи топлата вода дополнително ја суши кожата, зголемувајќи го губењето на природните масти од нејзината површина. Затоа, туширајте се со млака вода не подолго од 10 минути, веднаш избришете со крпа и потоа нанесете богата хранлива крема или лосион за нега на телото.
- КОРИСТЕТЕ ПРОИЗВОДИ SPF ЦЕЛА ГОДИНА
Фактот дека носите повеќе слоеви облека во текот на зимата не ја исклучува потребата од секојдневна заштита од сонце. Сончевите зраци се ризик и во постудените денови, иако повеќето од нас најмногу се опуштаат и забораваат на опасноста што демне одозгора. Оштетувањето предизвикано од сончевите зраци е придружено со сушење на кожата, затоа задолжително нанесувајте соодветен производ со заштитен фактор со висок степен на заштита (SPF 30 или повеќе) секојдневно.
- НЕГО ЧИСТЕТЕ ЈА КОЖАТА
Како и при туширање, најдобро е да користите млака вода за миење. Дополнително, внимателно избирајте ги производите што ги користите за чистење, пилинг и тонирање на лицето, како и за отстранување шминка, а особено избегнувајте ги оние што содржат алкохол или сулфати, бидејќи тие дополнително може да ја исушат вашата кожа.
- РЕДОВНО ЕКФОЛИРАЈТЕ ГО ЛИЦЕТО
Ниту најдобрата крема нема да може да ви помогне доколку не го отстраните слојот од мртви клетки кои само „седат“ на површината на кожата и го попречуваат благотворното дејство на самиот производ. Поради сувиот воздух и студената клима, природниот процес на ексфолијација е забавен, што доведува до затегнување и чувствителност на кожата. Поради оваа причина, користете нежен пилинг 2-3 пати неделно за подобра апсорпција на серумите и кремите и неодоливо чувство на мека кожа.
- ХИДРИРАЈТЕ СЕ!
Добра идеја е да пиете повеќе вода или да ја внесувате преку исхраната, но не очекувајте само тоа да помогне во негата и хидратацијата на кожата. Иако пиењето доволно дневно количество вода може да и помогне на дехидрираната кожа, тоа не е толку забележливо и конечно решение. За видливи резултати на самата кожа, користете соодветен хидратантен крем или серум.
Пробајте ја иновативната хрватска природна козметика со состојки од Јадранското Море, морски колаген и алги, за длабока хидратација, ревитализација и природна убавина.
Дознајте повеќе за овој најпродаван пакет DUO со попуст од 20%.
- РЕГУЛИРАЈТЕ ЈА КОЛИЧИНАТА НА ВЛАГАТА ВО ВАШИОТ ДОМ
Греачите кои работат 0-24 часа и студениот надворешен воздух се лоша комбинација за вашата кожа бидејќи и покрај удобната температура, греењето го суши воздухот во просториите каде што престојуваме, а тоа остава свој белег на нашата кожа. Вложувањето во добар овлажнител дефинитивно вреди бидејќи квалитетниот внатрешен воздух е неопходен за одржување на балансирана и здрава кожа, а исто така има корисен ефект врз општата состојба на нашето тело, па дури и овозможува помирен сон.
- НАПРАВЕТЕ МАЛИ ПРОМЕНИ ВО ВАШАТА РУТИНА ЗА НЕГА
Ако обично користите ретинол и АХА киселини, ве советуваме засега да ги оставите настрана додека не ја доведете вашата кожа во природна рамнотежа. Наместо тоа, посегнете по масло како дополнителен слој на нега по вашиот хидратантен крем. Доколку сакате да и дадете на вашата кожа квалитетен третман против стареење и регенерација во едно, ви предлагаме специјално масло како совршен додаток на сечија зимска рутина за нега -L'ADRIA Rejuvenating oil.
