Бременоста е прекрасно и исполнето време. Но, во исто време тоа е крајно збунувачки и ново за вас. Хормоналните промени кои се рефлектираат во нашето однесување, промената на тежината, може да се одразат и на нашата кожа.

Веќе не сте сигурни дали производите што до сега ги користевте сè уште се соодветни за вашата кожа или претставуваат опасност за вашето дете.

Состојките кои на прв поглед изгледаат секојдневно или целосно бенигни, може да бидат апсолутно спротивно.

Пред да го користите производот, консултирајте се со вашиот дерматолог, а во продолжение прочитајте кои состојки е подобро да ги избегнувате.

КОЗМЕТИЧКИ СОСТОЈКИ КОИ СЕ ИЗБЕГНУВААТ ВО ВРЕМЕ НА БРЕМЕНОСТ

1. Ретиноиди - ретинолот и неговите деривати се соединенија од групата на ретиноиди, кои припаѓаат на групата витамин А.

Витаминот А е природно присутен во храната и е важен за правилен развој на плодот, но прекумерната количина е репротоксичен, односно штетно делува на плодот.

Ретиноидите може да се најдат во лекови и производи за нега на кожа (со функции против стареење или акни) и имаат докажано негативно влијание врз развојот на фетусот. Не заборавајте да престанете да користите ретиноиди за време на бременоста и не користете ги дури и ако планирате наскоро да забремените. Добра алтернатива? Бакучиолот е природна алтернатива на ретиноидите со слични позитивни ефекти, но без негативни ефекти врз фетусот. Бакучиолот го има и во L'ADRIA Rejuvenating oil!

2. Салицилна киселина - избегнување на салицилна киселина или BHA за време на бременоста се препорачува од истата причина како и избегнувањето на аспирин, бидејќи овие состојки се многу слични по структура.

Салицилна киселина се наоѓа во пилинг средствата, а за време на бременоста заменете ја со други киселини како што се млечна, гликолна, манделична, фитинска или глуконолактон. Ефектот нема да биде сосема ист како при употреба на салицилна киселина, но ќе биде најблиску до него.

3. Креми за сончање со хемиски филтри - се препорачува употреба на креми со минерални УВ филтри како што се оние што содржат цинк оксид или титаниум диоксид.

Штетноста на некои хемиски филтри сè уште се истражува и сè уште не е целосно докажана, но зошто да не се заобиколи ризикот?

4. Фталати и бисфеноли - тие често се кријат во производите за нега на кожата, најчесто поради миграција од пластична амбалажа или се наоѓаат во парфемите како фиксатори или растворувачи.

Затоа не можете да ги најдете во списокот со состојки, дури и ако ги има во производот. Тие спаѓаат во групата на ендокрини пореметувачи, односно ја попречуваат нормалната функција на хормоните, поради што е подобро да се избегнуваат во текот на бременоста.

Можете да ги избегнете со користење на стаклена амбалажа и производи без синтетички мириси.